عنوان: الفنانة ليلى طوبال تتحدث عن مرض السرطان، وتوجه هذه الرسائل المفعمة بالأمل
حلقة الوصل : الفنانة ليلى طوبال تتحدث عن مرض السرطان، وتوجه هذه الرسائل المفعمة بالأمل
الفنانة ليلى طوبال تتحدث عن مرض السرطان، وتوجه هذه الرسائل المفعمة بالأمل
نشرت الفنانة المسرحية ليلى طوبال الاصدار الفايسبوكي التالي على صفحته الرسمية:
“برشه ميساجات بعد ما تعديت البارح في الوطنية نحكي عالسرطان… برشه وجيعة… برشه خوف خاصة من عند النساء… نحبّ نعاود نقول إلّي كل إنسان ينجّم يخرج رابح هالعركة… ماهوش هزان مورال… السرطانات دايرة بينا خارج بدوناتنا… نحاربوا فيها وما انجموش ندخلوا للحرب وأحنا بينا وبين أرواحنا نقولوا الطرح خاسرينو… وما اتنجمش إتبطّل… تاقف وإلاّ ترجع على ثنيتك…
الحرب يلزمك تكمّلها للإخر يا قاتل يا مقتول… السرطان محتل يدخل لبدنك بترسانتو الحربية من غير ما يشاور… ماشي في بالو إلّي البدن ما عندوش أمالي… ولا عندو لا قوة ولا سلاح… يستنصب ويبدى يحكم بأحكاموا… لا بابا موش على كيفك… وتشمّر السيف وذراعك وتزهر عليه وتقلوا هيا قابلني… وصدّقوني زادة كي نقوللكم إلّي الحزن… الوحدة… الغدرة خاصة كي تجي من ناس كلاو من لحمك… اللإكتئاب… الإنهيار … وجيعتهم أصعب ألف مرّة مالسرطان… وحتى هاذي عركة أخرى وبالسيف عليك باش تربحها… على خاطر حتى ساقطة وحتى بيوع ما يستحق وجيعتك ودموعك…
الموت جايا نهار مالنهارات… كيفاش وعلاش وفين ووقتاش… موش مهم… هات نعيشوا كل لحظة … نعيشوا لأرواحنا لأحبابنا لبلادنا بشوية حبّ وشوية أمل إلّي مازالوا بلوّشي إلى كتابة هذه الأسطر…
أيا قوموا… النهار طلع والحانوت محلولة”
المصدر: الجمهورية
THNEWS
وهكذا المادة الفنانة ليلى طوبال تتحدث عن مرض السرطان، وتوجه هذه الرسائل المفعمة بالأمل
كنت تقرأ الآن المقال الفنانة ليلى طوبال تتحدث عن مرض السرطان، وتوجه هذه الرسائل المفعمة بالأمل عنوان الرابط https://news--com.blogspot.com/2017/10/blog-post_3650.html
0 Response to "الفنانة ليلى طوبال تتحدث عن مرض السرطان، وتوجه هذه الرسائل المفعمة بالأمل"
إرسال تعليق